ALFAAZ - Emotions, Feelings And love

Ye na samjho ke Tal rahi hai shaam Apney tewar badal rahi hai shaam Tum nahi aye aur... us din se Mery seeney me Jal rahi hai shaam Paihlti ja rahi tareeki Ek Dukh se Nikal rahi hai sham Zard suraj chuppa raha hai Badan Lamha Lamha Pighal rahi hai sham Orhti ja rahi hi Khamoshi Aisa Lagta hai Dhal rahi hi sham us ke hamrah chal raha tha Din Meray hamrah chal rahi hai sham...!!!

Hum aksar yeh samajhtay hain Jisay hum piyaar kartay hain Usay hum bhool baithay hain.. Magar aisa nahin hota.. Mohabbat daimi sach hai Mohabbat thahar jaati hai.. !! Hamari baat kay andar Mohabbat baith jaati hai Hamari zaat kay andar magar Yeh kam nahin hoti.. ! Kisi bhi dukh ki soorat mein Kabhi anjaan se gham mein Kabhi lehjay ki thandak mein Udaasi ki soorat mein Kabhi baarish ki soorat mein Hamari aankh kay andar Kabhi aab-e-rawan ban kar Kabhi qatray ki soorat mein Bazahir aisa lagta hai usay Hum bhool baithay hain magar Magar aisa nahin hota…. Yeh hargiz kam nahin hoti…

Tum hanso tu din niklay..chup raho tu raatain hain kis ka gham , kahan ka gham, sab fazool batain hain Aay khalo0s ma tujh kou kis terah bachaoun ga dushmanoun ki chalain hain , sathiyoun ki ghatain hain Tum per hi nahi moqouf , ajkal tu duniya ma zeest k b mazhab hain, mout ki bhi zatain hain..

Ye Dard Mit Gaya To Phir? Ye Zakham Sill Gaya To Phir? Bichar K Sochti Hoon Mai.. Wo phir Se Mil Gaya To Phir? ... Usay Bhi Kuch nahi Mila.. Mujhe Bhi Kuch Nahi Mila.. Tamam Umer K Liye.. Ye Dard Mil Gya To Phir? Mai IS Liye To Aj TAk.. Sawal Bhi Na Kar Saki.. Agar Mere Sawal Ka.. Jawab Mil Gya To Phir? Mai Titlion k sheher Mai.. Jaoon To Mujh Ko Khauf Hai.. Wo Phool Jo khila Nahi.. Wo Phool Khil Gaya TO Phir? Ye Sach hai Laut Kar Phir.. Mere hi Dil Mai AAo ge.. Magar Ye Soch Lo Zara.. Badal YE DIL Gaya To Phir????

Zindagi kis tarah bitao gay Pass jab apny hamein na pao gay Din mein tanhaiyan sataein gi Rat ko chonk kar uth jao gay ... Rat bhar neend kyun nahi ati Tum ye khud bhi samajh na pao gay Log pochein ge is tanhai ka sabab Kia chopao gay kia batao gay Palkein har bar bheeg jaein gi Jab kabhi khul k muskrao gay Meri yadein buht sataein gi Jab bhi barish mein bheeg jao gay Khud ko tanha na pa sako gay kabhi Her jaga mera aks Paogy...

Vaasta Husn Se Ya Shiddat-e-Jazbaat Se Kya Ishq Ko Teray Qabeelay Ya Meri Zaat Se Kya Meri Masroof Tabiyat Bhi Kahan Rok Saki Wo Tou Yaad Aata Hai, Osko Mere Din Raat Se Kya Pyaas Dekhoon Ya Karoon Fikr Ke Ghar Kacha Hai, Soch Mein Hoon Ke Mera Rishta Hai Barsaat Se Kya Jis Ko Khadsha Ho Ke Mar Jayein Ge Bhookay Sochyee,, Osko Kisi Aur Ke Halaat Se Kya Aaj Osko Fikr Hai Ke Kya Kahain Ge Loog “Mohsin” Kal Jo Kehta Tha Mujhe Rasm-o-Riwaaj Se Kya

Ye Barso’n ka ta’alluq torr dena chahtay hain hum. . Ab apny aap ko bhi chorr dena chahtay hain hum. . Kisi dehleez per aankho’n k ye roshan diye rakh kar. . Zameer-e-subha ko jinjhorr dena chahtay hain hum. . Jidhar hum ja rahy hain us taraf toota hua pul hai. . Ye baag’ain is se pehlay morr dena chahtay hain hum. . Ye naubat kal jo aani hai to sharminda nahi’n hongay. . Marasam ehtiyaat’ann torr dena chahtay hain hum. . Ajeeb deewangi hai jis k hum saaye mein baithay hain. . Issi deewar se sir phorr dena chahtay hain hum. . Ta’alluq kirchiyo’n ki shakal mein bikhra to hai phir bhi. . Shikasta aaino’n ko jorr dena chahtay hain hum. . . !