ALFAAZ - Emotions, Feelings And love

Iqraar Gaye, Inkaar Gaye, Hum Haar Gaye Aankhon Say Sab Aasaar Gaye, Hum Haar Gaye Kuch Yaadein Uss Ki Beech Samander Doob Gayeen Kuch Sapney Reh Uss Paar Gaye, Hum Haar Gaye Ikk Umr Rahey Hain Jeet Say Be-perwah Lekin Jab Jeetna Chaaha, Haar Gaye Hum Haar Gaye Yoon Uljhey Duniya Ke Dukh Mein Be-sudh Ho Ker Sab Jhootey Sachey Pyaar Gaye, Hum Haar Gaye Pehley To Preet Mein Apney Aap Say Door Huwey Phir Yaar Gaye, Dildaar Gaye, Hum Haar Gaye !

Raaton me chaand pe yuun hi chalte hue, Jab in haathon me tera haath hota tha.. Meri har muskuraahat, har faisle me, Ek teri sharaarton ka hi to saath hota tha.. Jab hamre beech ke pyaare ehsaas me, Saare sawaal , saari shikayat kho jaati thi.. Mai teri un zulfon se khelta rahta tha, Aur tu meri baahon me hi so jaati thi.. Par ab wo saari hansi, saari khushiyan, Mere khwabon se kuch dur si ho gai hai.. Zindagi me kuch haasil karne ki daud me, Teri meri duniya hi kahi kho gayi hai.. Manzile ab bhi hain aur raahen bhi hai, Pr inme ek adoori si khwahish b chalti hai.. Lagta to hai ke saara jahan hi hai yaha, Khojne pr yaha bas ek tu hi nahi milti hai.. Kahi akela sa lagta hai ab mujhe tere bin, Mujhse door yun mujhe chhod ke na jao.. Ab to sab chala sa jaye to kuch bhi nahi, Bas meri baahon me ek tum chale aao..