Jab Koi Naik Kaam Kartay Hain
Jaan-e-Man ! Tere Naam Kartay Hain
Tere Chehray Se Dhoop Laitay Hain
Teri Zulfon Mein Shaam Kartay Hain
Kis Qadar Tang Hun Mohabbat Mein
Loog Kaisay Ye Kaam Kartay Hain
Un Ki Peshaanian Chamakti Hain
Jo Mohabbat Ko Aam Kartay Hain
Dil Ke Daalaan Mein Sajaa Kar Yaad
Jashan Ka Ehtmaam Kartay Hain
Sochtay Hain Tujhe Wuzuu Kar Ke
Yun Tera Ehtraam Kartay Hain
Ham Se Hee Ibtedaa Howi Jaana.n
Ham Hee Ab Ikhtetaam Kartay Hain
Comments
Post a Comment